O`zbekiston energetikasi sharhi
#yashil_energetika
#yashil_energetika
📈 2026-yil boshidan buyon quyosh va shamol elektr stansiyalari tomonidan 2 mlrd kVt·soat elektr energiyasi ishlab chiqarildi — bu o‘tgan yilning mos davridagidan 43 foizga ko‘p
👨👩👧👦🔌 Kecha, 20-mart kuni O‘zbekistondagi quyosh va shamol elektr stansiyalari tomonidan 2026-yil boshidan beri ishlab chiqarilgan elektr energiyasi hajmi 2 mlrd kVt·soatga yetdi.
Avval xabar berganimizdek, bugungi kunda yurtimizda umumiy quvvati 5 582 megavatt bo‘lgan 15 ta quyosh fotoelektr stansiyasi hamda 5 ta shamol elektr stansiyasi “yashil” energiya ishlab chiqarmoqda.
📊 Yillar bo‘yicha ishlab chiqarish dinamikasi:
| Yil | Stansiyalar | Ishlab chiqarilgan |
|---|---|---|
| 2022 | Navoiy va Samarqand viloyati QFE stansiyalari | 434 mln kVt·soat |
| 2023 | QFE stansiyalari | 576,9 mln kVt·soat |
| 2024 | 9 ta quyosh + 1 ta shamol | 4 mlrd 860 mln kVt·soat |
| 2025 | Barcha quyosh va shamol stansiyalari | 10,5 mlrd kVt·soat |
| 2026* | Barcha quyosh va shamol stansiyalari | 2 mlrd 15,4 mln kVt·soat |
* 20-mart 2026 holatiga
⚡ 2026-yil (20-mart holatiga) tafsiloti:
- Quyosh fotoelektr stansiyalari: 959,2 mln kVt·soat
- Shamol elektr stansiyalari: 1 mlrd 56,2 mln kVt·soat
- Jami: 2 mlrd 15,4 mln kVt·soat
Eslatib o‘tamiz, 13 fevral kuni quyosh va shamol elektr stansiyalari tomonidan 2026-yil boshidan beri ishlab chiqarilgan elektr energiyasi hajmi 1 mlrd kVt·soatni tashkil qilgan edi.
📈 2025-yilning mos davri bilan taqqoslash:
2026-yilning boshidan quyosh va shamol elektr stansiyalari tomonidan ishlab chiqarilgan elektr energiyasi hajmi 2025-yilning mos davridagiga nisbatan 610,7 mln kVt·soat yoki 43 foizga ko‘p elektr energiyasi ishlab chiqarildi.
🌿 Ekologik samara (quyosh + shamol, 2026):
- ➖ 537 mln kub metr tabiiy gaz tejalishiga erishildi;
- ➖ atmosferaga 1 mln 158 ming tonnadan ortiq zararli moddalar chiqishining oldi olindi.
👨👩👧👦🔌 Joriy yil boshidan 20-mart kuni holatiga O‘zbekistondagi barcha gidroelektr stansiyalar va quyosh hamda shamol elektr stansiyalari tomonidan 3 mlrd 160 mln kVt·soat elektr energiyasi ishlab chiqarildi.
🌿 Ekologik samara (GES + quyosh + shamol, 2026):
- ➖ 839 mln kub metr tabiiy gaz tejalishiga erishildi;
- ➖ atmosferaga 1 mln 808 ming tonnadan ortiq zararli moddalar chiqishining oldi olindi.
👨👩👧👦 Ma‘lumot uchun: mazkur hajmdagi elektr energiyasi o‘rtacha 5,2 mln xonadonning 3 oylik yoki 1,3 mln xonadonning bir yillik me‘yoriy bazasini tashkil qiladi.
Kanalimizga a‘zo bo‘ling 👇
@minenergy_uz
HAMKORLAR
