Yangiliklar (for all)
Benzin ko‘proq bo‘lishi va’da qilinmoqda: Buxoro NQZni milliardlab dollarga kengaytirmoqchi
Birinchi loyiha Euro-5 ekologik standartidagi AI-92 va AI-95 benzinini ishlab chiqarishni nazarda tutadi. Buning uchun zavodda amaldagi texnologik jarayonlarni takomillashtirish va yangi ishlab chiqarish liniyalarini qurish rejalashtirilgan.
Loyiha amalga oshirilgach, korxona har yili 1,1 mln tonna Euro-5 benzini ishlab chiqarishi mumkin bo‘ladi. Ishga tushirish 2029 yilning ikkinchi choragiga mo‘ljallangan.
Ikkinchi loyiha ancha yirik. Uning dastlabki qiymati 1,8 mlrd dollarni tashkil etadi. U neftni qayta ishlash va neft-kimyo sohasidagi zamonaviy texnologiyalarni joriy etish, shuningdek, yangi texnologik qurilmalarni qurishni nazarda tutadi.
Natijada zavodda neft mahsulotlarining umumiy yillik ishlab chiqarish hajmini 2,1 mln tonnadan 4,6 mln tonnagacha oshirish rejalashtirilmoqda — bu ikki baravardan ham ko‘p.
Xususan, yillik ishlab chiqarishni quyidagicha yetkazish ko‘zda tutilgan:
▪️avtomobil benzini — 2,7 mln tonnagacha;
▪️dizel yoqilg‘isi — 1,24 mln tonnagacha;
▪️aviatsiya kerosini — 500 ming tonnagacha.
Ikkinchi loyihani amalga oshirish muddatlari aytilmagan.
Ichki bozor uchun o‘z ishlab chiqarish hajmini oshirish — muhim istiqbol. Ammo taqdim etilgan rejalarda chakana narxlarni pasaytirish bo‘yicha va’dalar yo‘q: zavodda benzin ko‘payishi hali avtomatik ravishda yoqilg‘i quyish shoxobchasida arzonlashishini anglatmaydi.
manba: Vaib.uz
