Yangiliklar
O‘zbekiston Energetika Haftaligi 2025: Mintaqaviy hamkorlik va “yashil” iqtisodiyotga yo‘nalish
13–15 may kunlari Toshkentda o‘tgan ushbu haftalikda 34 davlatdan 465 ta kompaniya va brend ishtirok etdi. Tadbirni Iteca Exhibitions xalqaro ko‘rgazma kompaniyasi va uning hamkorlari tashkil etdi. O‘zbekiston Respublikasi Energetika vazirligi hamda “O‘zbekneftgaz” AJ tomonidan qo‘llab-quvvatlandi.
Haftalik doirasida quyidagi tadbirlar o‘tkazildi:
27-Xalqaro “O‘zbekiston neft va gaz – OGU 2025” ko‘rgazma va konferensiyasi
18-Xalqaro “Energetika, energiyani tejash, muqobil energiya manbalari – Power Uzbekistan 2025” ko‘rgazmasi
Maxsus “Yashil energiya tejovchi texnologiyalar – GETCA 2025” bo‘limi
5-Xalqaro energetika konferensiyasi
Markaziy tadbir “Barqaror energetika uchun mintaqaviy hamkorlik” shiori ostidagi Xalqaro Energetika Forumi bo‘ldi. Forum ayniqsa muhim bo‘lib, O‘zbekistonda 2025-yil “Atrof-muhitni muhofaza qilish va yashil iqtisodiyot yili” deb e’lon qilingan.
Mahalliy kompaniyalardan biri bo‘lgan Protecsis (Nura Group tarkibiga kiradi) o‘z yechimlarini taqdim etdi. Kompaniyaning tijorat direktori Maruf Tadjiev: “Protecsis 15 yildan beri energetika sohasida ishlaydi, biz 0,4 dan 500 kVtgacha bo‘lgan paststansiyalar uchun avtomatika va rele himoya shkaflarini ishlab chiqaramiz”, — dedi.
Uning ta’kidlashicha, kompaniya kompleks echimlarni “kalit topshirish” asosida taqdim etadi: “Biz mijozning har qanday loyiha talablariga moslashamiz, loyiha bosqichidan to ishga tushirishgacha xizmat ko‘rsatamiz”.
Maruf Tadjiev ishlab chiqarishning mahalliylashtirilgani muhimligini ta’kidladi: “Bizning mahsulotlarimizning 50% dan ortig‘i mahalliy ishlab chiqarilgan. Qolgan qismini esa ishonchli yetkazib beruvchilardan olamiz, barcha davlat sinovlaridan o‘tgan va xalqaro IEC va GOST standartlariga mos keladi”.
Germaniyaning R Schmitt Enertec kompaniyasi
Germaniyalik kompaniya R Schmitt Enertec gaz dvigatellari va kogeneratsion qurilmalarni ishlab chiqaradi. Kompaniya direktori Andrey Belousenko: “Biz ishlab chiqargan dvigatellar 150–500 kVt quvvatda bo‘lib, issiqlik va elektr energiyasini ishlab chiqaradi. Elektr energiyasidagi samaradorligi 42% gacha, issiqlik samaradorligi esa 90% dan ortiq”, — dedi.
Uning aytishicha, dvigatellar tabiiy gaz, biogaz, neft gazi va sintez gazda ishlashi mumkin. “Bu yechimlar kichik shaharlar, mehmonxonalar, universitetlar va neft-gaz sanoatida qo‘llanilishi mumkin”, — dedi u.
Rossiyaning “Texelektrosamara” kompaniyasi
“Texelektrosamara” kabel armaturasi ishlab chiqaruvchisi sifatida ishtirok etdi. Tashqi iqtisodiy faoliyat bo‘limi boshlig‘i Maksim Rusinov: “Biz kabel tutashtiruvchi muftalarni to‘liq ishlab chiqaradigan yagona zavodmiz. O‘zbekiston bozorida faol hamkorlar izlamoqdamiz”, — dedi.
OGU 2025 va yirik ko‘rgazmalar
OGU 2025 ko‘rgazmasida “O‘zbekneftgaz” AJ 10 ta yirik korxona yutuqlarini birlashtirilgan stendda taqdim etdi. 27 ta mahalliy kompaniya ishtirok etdi.
Energetika vaziri Jurabek Mirzamahmudov forumda nutq so‘zlab, litiy, fosfat va boshqa strategik foydali qazilmalar bo‘yicha geologik-qidiruv ishlari olib borilayotganini aytdi. Shuningdek, mis qazib olish hajmini uch baravarga oshirish rejalashtirilganini ma’lum qildi.
U, shuningdek, Perm o‘lkasi bilan sanoat hamkorligi bo‘yicha bitim imzolanishini e’lon qildi.
“JereH” va boshqa xorijiy kompaniyalar
Xitoy kompaniyasi “JereH” o‘zining neft va gaz uchun kompleks uskunalarini taqdim etdi. Ko‘rgazmada Rossiyaning 28 ta kompaniyasi, jumladan “Gazprom”, “TATneft”,
“Severstal”, “EMK Steeltrade” va boshqalar ishtirok etdi. Qozog‘istonning “KazPerfoEngineering” kompaniyasi esa gehsogen asosidagi perfratsion zaryadlar ishlab chiqaruvchisi sifatida qatnashdi.
Energetika Haftaligi yangi ishbilarmon aloqalarni o‘rnatish, tajriba almashish va mintaqaviy energetika xavfsizligini mustahkamlashda muhim rol o‘ynadi.
Manba
