Yangiliklar
Масдар билан қуввати 1 ГВт бўлган Мингбулоқ ШЭСни қуриш бўйича шартнома имзоланди
Маълум қилинишича, келишув Бокуда бўлиб ўтган CОР29 тадбирлари доирасида имзоланган
"Янги шамол электр станцияси қурилиш вақтида 1000 та, фойдаланиш даврида эса 60 та иш ўрни яратилади ва қуриб битказилгандан сўнг вилоятдаги 300 минг хонадон тоза энергия билан таъминланади. Битим Масдар ва Ўзбекистон ўртасидаги стратегик шерикликни мустаҳкамлайди ҳамда мамлакатда учта шамол электр стансиясини қуриш бўйича кенгроқ стратегиянинг биринчи босқичини белгилайди", –деб ёзади Prnewswire.
Нашрда ўтган йили Масдар Ўзбекистонда 2 ГВт қувватга эга янги шамол лойиҳаларини амалга ошириш бўйича шартнома имзолагани ва Мингбулоқ шамол электр стансиясидан ташқари компания таркибига яна иккита обект – Қорақалпоғистондаги Акпетки ва Навоий вилоятидаги Бузаубай кириши маълум қилинган.
Қайд этилишича, Бирлашган Араб Амирликлари энергетика ва инфратузилма вазири Суҳайл бин Муҳаммад ал-Мазруи БАА ва Ўзбекистон барқарор ривожланиш ҳамда қайта тикланадиган энергияга доир ўхшаш қарашларга эга эканлигини ва бу ҳамкорлик Ўзбекистонда, шунингдек, хорижда нол чиқиндилар билан тоза энергияни ривожлантиришга хизмат қилишини таъкидлади.
Янги шамол электр стануияси лойиҳаси Ўзбекистоннинг қайта тикланадиган энергия манбалари портфели ўсишига ҳисса қўшади.
