Yangiliklar
Osiyo Taraqqiyot Banki O‘zbekistondagi iqlimga moslashuv bo‘yicha islohotlar uchun 250 million dollar ajratdi.
Osiyo Taraqqiyot Banki (OTB) O‘zbekistonga iqlim o‘zgarishiga qarshi choralarni tezlashtirish va iqlim o‘zgarishining salbiy ta’sirini kamaytirishga yo‘naltirilgan davlatning sa’y-harakatlarini qo‘llab-quvvatlash uchun 250 million dollarlik kredit ajratishni ma’qulladi.
Iqlim o‘zgarishiga tez o‘tish dasturi hukumatga uchta islohot yo‘nalishida yordam beradi:
davlat moliyasini boshqarishni mustahkamlash;
suv va yer resurslarini boshqarish, qishloq xo‘jaligi va ijtimoiy himoya tizimlarida iqlim o‘zgarishiga qarshi barqarorlikni oshirish;
transport va energetika kabi sohalarda pastuglerli iqtisodiyotga o‘tishning tezlashishi.
«Dastur iqtisodiyotni karbonatdan xoli qilish va tabiiy ofatlarga hamda iqlim o‘zgarishiga qarshi barqarorlikni oshirishga ustuvor ahamiyat beradi, shu bilan birga, zaif qatlamlarni qo‘llab-quvvatlaydi», - dedi OTBning Markaziy va G‘arbiy Osiyo bo‘yicha boshqaruvchi direktori Yevgeniy Jukov. «O‘zbekiston dunyoning eng energiya sarflovchi iqtisodiyotlaridan biri hisoblanadi, shuning uchun dastur hukumatning 2030 yilga kelib YaIM birligiga nisbatan issiqxona gazlari emissiyasini 35% ga kamaytirish bo‘yicha sa’y-harakatlarini qo‘llab-quvvatlaydi. Bu, qayta tiklanuvchi energiya manbalarini rivojlantirish va energiya samaradorligini oshirish orqali amalga oshiriladi».
«O‘zbekistonning suv resurslari iqlim o‘zgarishi va samarasiz foydalanish sababli jiddiy tahdidlarga duchor bo‘lmoqda», — dedi OTBning O‘zbekistondagi doimiy vakolatxonasi direktori Kanokpan Lao-Araiya. «Ushbu dastur suv xavfsizligini ta’minlash va tezlashayotgan cho‘llanish bilan kurashish uchun iqlim o‘zgarishini hisobga olgan holda sug‘orish tizimlarini modernizatsiya qilish va suv resurslarini aqlli boshqarishni rag‘batlantiradigan qonunchilikni qabul qilishni qo‘llab-quvvatlaydi».
«Dastur hukumatning iqlim o‘zgarishi bilan bog‘liq murakkab muammolarni hal qilish uchun siyosatni muvofiqlashtirish, byudjet mablag‘larini maqsadli taqsimlash va iqlimga doir xarajatlar va ko‘rsatkichlarga oid monitoring va hisobdorlikni kuchaytirish orqali uning salohiyatini oshirish maqsadida ishlab chiqilgan», — dedi OTBning davlat sektori bo‘yicha bosh mutaxassisi Xanif Raxemtulla.
