Yangiliklar
O`zbekiston va Ozarbayjon SOCAR Ustyurt mintaqasida neft qidirish va qazib olish to`g`risida kelishib oldilar
O‘zbekiston va Ozarbayjonning Davlat neft kompaniyasi (SOCAR) Ustyurt mintaqasidagi istiqbolli uchastkalarda geologik qidiruv va neft qazib olish bo‘yicha kelishuv imzoladi. Ushbu loyiha ikki mamlakat o‘rtasidagi bu sohadagi birinchi yirik hamkorlik bo‘ladi.
21-iyul kuni Shavkat Mirziyoyev xalqaro neft-gaz loyihalari bo‘yicha taqdimotni tingladi va razvedkadan tayyor mahsulot ishlab chiqarishgacha bo‘lgan butun ishlab chiqarish siklini qamrab oluvchi aniq yechimlarni ishlab chiqishni tezlashtirishni topshirdi. Davlat rahbari, shuningdek, xorijiy ishtirokdagi korxonalarni ham qamrab olgan holda, quduqlardan foydalanish samaradorligini oshirish orqali neft qazib olish hajmini ko‘paytirishni talab qildi.
Bundan tashqari, yig‘ilishda kuz-qish mavsumiga tayyorgarlik ko‘rish va energetik barqarorlikni ta’minlash choralari muhokama qilindi. Prezident energetika infratuzilmasini, jumladan, magistral tarmoqlar va paststansiyalarni modernizatsiya qilish va ta’mirlash ishlarini tezlashtirish, shuningdek, mamlakatning barcha hududlarida energiya resurslarini muvozanatli yetkazib berishni ta’minlashni topshirdi. Amaldagi quvvatlardan samarali foydalanish va energiya tizimining tashqi yuklamalarga chidamliligini oshirishga alohida e’tibor qaratildi.
Yig‘ilish yakunida belgilangan barcha tadbirlarni qisqa muddatda amalga oshirish bo‘yicha mas’ul tuzilmalarga aniq topshiriqlar berildi.
Manba
