Yangiliklar
Qoraqalpog‘istonda investisiya loyihasi bo‘yicha kelishuv memorandumi imzolandi
Ushbu Memorandumning maqsadi Qoraqalpog‘iston Respublikasida qayta tiklanadigan (shamol va quyosh) elektr stansiyalarida foydalaniladigan o‘lchov vositalarini kalibrlash xizmatlarini joriy etishdan iborat.
Shu munosabat bilan O‘zbekiston Milliy metrologiya institutining Qoraqalpog‘iston Respublikasi filiali negizida yuqori aniqlikdagi zamonaviy o‘lchov vositalari bilan jihozlangan laboratoriyalar majmuasi tashkil etiladi. Ayni paytda O‘zbekiston Milliy metrologiya institutining Qoraqalpog‘iston Respublikasi filiali uchun xalqaro tavsiyalar asosida zarur infratuzilmaga ega laboratoriyalar majmuasi foydalanishga topshirilmoqda.
Mahsulot sifati va xavfsizligini kafolatlaydigan zamonaviy yuqori aniqlikdagi o‘lchov vositalari bilan jihozlangan laboratoriyalar tashkil etish O‘zbekiston Texnik jihatdan tartibga solish agentligi huzuridagi O‘zbekiston Milliy metrologiya instituti tomonidan belgilangan ustuvor vazifadir.
Metrologiya sohasida keyingi 5 yilda respublikamizda milliy etalonlar soni 3 barobarga, sanoat tarmoqlarida o‘lchov vositalarini kalibrlash qamrovi esa 78 foizga yetkazildi, bu esa 4- xorijiy mamlakatlarda o'lchov vositalarini kalibrlash uchun sarflanadigan valyuta miqdorini bir baravar kamaytirish. Shuningdek, aniq o‘lchovlarga bo‘lgan ehtiyoj ortib borayotgani natijasida sanoatning jadal rivojlanishi fonida metrologiya laboratoriyalarini takomillashtirish bo‘yicha ham qator chora-tadbirlar doimiy ravishda amalga oshirilmoqda.
Eslatib o‘tamiz, ACWA Power kompaniyasi Orolbo‘yida yiliga 18,5 ming GVt/soatga yaqin toza energiya ishlab chiqaradigan shamol elektr stansiyalarini qurishni rejalashtirmoqda. Ushbu loyiha besh bosqichda amalga oshiriladi, bu O‘zbekistonning toza energiyaga o‘tish strategiyasini amalga oshirish yo‘lidagi muhim qadamdir.
